വൃന്ദാവനത്തിലേക്കുള്ള യാത്രാമദ്ധ്യേ റിക്ഷാ സവാരിക്കാരനുമായി ഒരുമിച്ച് ആഹാരം കഴിച്ച വിശേഷങ്ങളാണ് നവ്യ നായർ സമൂഹമാധ്യമങ്ങളിൽ പങ്ക് വെച്ചത്.. പോസ്റ്റ് കാണൂ..
നവ്യാ നായരുടെ പോസ്റ്റ് വായിക്കാം:
വൃന്ദാവനത്തിലേക്കുള്ള യാത്ര .. അങ്ങാട്ടെക്കിനി കാറുപോവില്ല , 30 രൂപക്ക് വരാം എന്ന് പറഞ്ഞു , ഹരി കൃഷ്ണ എന്ന് പേരുള്ള ഈ ചേട്ടൻ .( 60 വയസ്സ് )തിരക്കിട്ട് കേറുന്നതിനിടയിൽ ഞാൻ കരുതിയത് ഇലക്ട്രിക്ക് ഇൽ ഓടുന്ന ഈ തരം വാഹനമുണ്ട് അതാവും എന്നാണ് .. ചവിട്ടുകയാണ് എന്നറിഞ്ഞപ്പോ കുറച്ചൊന്ന് പതറി, ഇറങ്ങാൻ പലവുരി നോക്കി, അപ്പോ അയാൾ എന്നോട് പറഞ്ഞു , ഇതെന്റെ ജോലി ആണ് , എനിക്ക് ജോലി തരൂ..
അമ്പലം അടച്ചിരുന്നതുകൊണ്ട് എന്നെ ചുറ്റിക്കറക്കി യമുനാനദി കാട്ടി തന്നു , വിശക്കുന്നു എന്ന് പറഞ്ഞപ്പോൾ അവിടെ ഏറ്റവും നല്ലത് എന്ന് അദ്ദേഹത്തിന് തോന്നിയസ്ഥലത്ത് കഴിക്കാൻ കൊണ്ടുപോയി .. കൂടെ കഴിക്കാൻ വിളിച്ചപ്പോൾ ഇവിടെ വളരെ വിലകൂടുതൽ ആണ് പൈസ തന്നാൽ ഞാൻ പുറത്ത് നിന്ന് കഴിച്ചോളാം എന്നും പറഞ്ഞു .. ഹോട്ടലിലേക്ക് കയറ്റാൻ തന്നെ സ്റ്റാഫിന് ചെറിയ വൈമുഖ്യം ഉണ്ടായിരുന്നു , നോ പറഞ്ഞാൽ ഞാൻ ചിലപ്പോ പൊയ്ക്കളയും എന്ന് തോന്നിയിട്ടാവണം അവർ മൗനം പാലിച്ചു ..
ഇഷ്ടായോ എന്ന ചോദ്യത്തിന് അവസാനം നൽകിയ ആ ചിരിയും , പിന്നെ ഒരു വറ്റുപോലുംബാക്കിവെക്കാതെ വൃത്തിയായി കഴിച്ച പ്ലേറ്റും കണ്ടപ്പോൾ മനസ്സുനിറഞ്ഞു .. നവ്യ നായർ തൻ്റെ എഴുത്തിൽ കുറിച്ചു..
