ഒരു മാസം നീണ്ട വ്രതാനുഷ്ഠാനത്തിന് പരിസമാപ്തി കുറിച്ചുകൊണ്ട് വിശ്വാസികള് ഇന്ന് ചെറിയ പെരുന്നാള് ആഘോഷിക്കുന്നു. ഈദ് ഗാഹുകളിലും പള്ളികളിലും പെരുന്നാള് നമസ്കാരത്തിനായി വിശ്വാസികള് ഒത്തുകൂടും. (Eid-ul-Fitr 2026 today kerala)
ഒരു മാസം നീണ്ടുനിന്ന വ്രതാനുഷ്ഠാനത്തിന് ശേഷമാണ് ഇസ്ലാംമത വിശ്വാസികള് ചെറിയ പെരുന്നാള് ആഘോഷിക്കുന്നത്. പെരുന്നാള് നമസ്ക്കാരത്തിനായി ഈദ്ഗാഹുകളും പള്ളികളും ഒരുങ്ങികഴിഞ്ഞു. വിവിധ ഇടങ്ങളിലെ ഈദ്ഗാഹുകളില് ആയിരക്കണക്കിന് വിശ്വാസികള് പങ്കെടുക്കും.തക്ബീര് ധ്വനികളാല് മുഖരിതമാണ് പള്ളികള്.
നന്മകളാല് സ്ഫുടം ചെയ്തെടുത്ത മനസുമായാണ് വിശ്വാസികള് ഈദ് ആഘോഷത്തിലേയ്ക്ക് കടക്കുന്നത്. വ്രതശുദ്ധിയിലൂടെ കൈവരിച്ച ആത്മചൈതന്യവുമായാണ് വിശ്വാസികള് ചെറിയ പെരുന്നാള് ആഘോഷിക്കുക. വ്രതശുദ്ധിയുടെ അച്ചടക്കമുള്ള ജീവിതം ഇനിയുള്ള ദിവസങ്ങളിലും നിലനിര്ത്തുമെന്ന് പ്രതിജ്ഞ ചെയ്താണ് ഓരോ വിശ്വാസിയും പെരുന്നാളിലേക്കു കടക്കുന്നത്. ഗള്ഫ് രാജ്യങ്ങളും ഇന്ന് തന്നെയാണ് പെരുന്നാള് ആഘോഷിക്കുന്നത്.
