മഹാരാഷ്ട്രയില് ഹെലികോപ്റ്റര് തകര്ന്നുവീണ് മൂന്ന് പേര് മരിച്ചു. പുനെയിലെ ബാവ്ധാനിലാണ് അപകടം ഉണ്ടായത്. രണ്ടു പൈലറ്റും ഒരു എന്ജിനീയറുമാണ് ഹെലികോപ്റ്ററില് ഉണ്ടായിരുന്നത്.
ഇന്ന് രാവിലെ 6.45 ഓടെയാണ് സംഭവം. മലയോര മേഖലയിലാണ് ഹെലികോപ്റ്റര് തകര്ന്നതെന്ന് പിംപ്രി ചിഞ്ച്വാഡ പൊലീസ് പറഞ്ഞു. ഇത് ആരുടെ ഹെലികോപ്റ്ററാണെന്ന് ഇതുവരെ സ്ഥിരീകരിച്ചിട്ടില്ലെന്ന് ഇന്സ്പെക്ടര് കനയ്യ തോറാട്ട് പറഞ്ഞു.
ഒക്സ്ഫര്ഡ് ഗോള്ഫ് ക്ലബ്ബിന്റെ ഹെലിപാഡില് നിന്നാണ് ഹെലികോപ്റ്റര് പറന്നുയര്ന്നതെന്നാണ് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നത്. പ്രദേശത്തെ കനത്ത മൂടല്മഞ്ഞാണ് അപകടത്തിലേക്ക് നയിച്ചതെന്നും റിപ്പോര്ട്ടുകള് വ്യക്തമാക്കുന്നു. മരിച്ചവരുടെ പേര് വിവരങ്ങള് പൊലീസ് പുറത്ത് വിട്ടിട്ടില്ല.
