അന്തർദേശീയ സഹകരണ ദിനാഘോഷം നാളെ (ജൂലായ് 4 )
സഹകരണ സംഘങ്ങൾക്കുള്ള സംസ്ഥാന അവാർഡുകൾ വിതരണം ചെയ്യും.
2026ലെ അന്തർദേശീയ സഹകരണ ദിനാഘോഷം ജൂലൈ 4-ന് സഹകരണ വകുപ്പിന്റെ ആഭിമുഖ്യത്തിൽ തിരുവനന്തപുരം കാര്യവട്ടം ഗ്രീൻഫീൽഡ് ഇന്റർനാഷണൽ സ്റ്റേഡിയത്തിലെ ട്രാവൻകൂർ ഇന്റർനാഷണൽ കൺവെൻഷൻ സെന്ററിൽ സംഘടിപ്പിക്കുമെന്ന് സഹകരണ വകുപ്പ് മന്ത്രി എം. ലിജു തിരുവനന്തപുരത്ത് വാർത്താസമ്മേളനത്തിൽ അറിയിച്ചു.
“Cooperatives for a Peaceful World” എന്നതാണ് ഈ വർഷത്തെ അന്തർദേശീയ സഹകരണ ദിനത്തിന്റെ പ്രമേയം. രാവിലെ 9 മണിക്ക് സഹകരണ സംഘം രജിസ്ട്രാർ പ്രേം കൃഷ്ണൻ എസ്. പതാക ഉയർത്തുന്നതോടെ പരിപാടികൾക്ക് തുടക്കമാകും.
തുടർന്ന് നടക്കുന്ന പൊതുസമ്മേളനത്തിൽ ഗതാഗത വകുപ്പ് മന്ത്രി സി.പി. ജോൺ അധ്യക്ഷത വഹിക്കും. എക്സൈസ് വകുപ്പ് മന്ത്രി എം. ലിജു സമ്മേളനം ഉദ്ഘാടനം ചെയ്യും. ദേവസ്വം വകുപ്പ് മന്ത്രി കെ. മുരളീധരൻ മുഖ്യപ്രഭാഷണം നടത്തും.
തിരുവനന്തപുരം ജില്ലയിലെ 14 നിയമസഭാംഗങ്ങളും സഹകരണ മേഖലയിലെ പ്രമുഖരും ചടങ്ങിൽ പങ്കെടുക്കും. ചടങ്ങിൽ 2025ലെ വിവിധ വിഭാഗങ്ങളിലെ മികച്ച സഹകരണ സംഘങ്ങൾക്കുള്ള സംസ്ഥാന അവാർഡുകളും വിതരണം ചെയ്യും.
സഹകരണ പ്രസ്ഥാനത്തിന്റെ സമാധാനപരവും സുസ്ഥിരവുമായ വികസനത്തിനുള്ള സംഭാവനകൾ ഉയർത്തിക്കാട്ടുന്നതിനാണ് ഇത്തവണത്തെ അന്തർദേശീയ സഹകരണ ദിനാഘോഷം സംഘടിപ്പിക്കുന്നതെന്ന് മന്ത്രി എം. ലിജു പറഞ്ഞു.സഹകരണ സംഘം രജിസ്ട്രാർ പ്രേം കൃഷ്ണൻ എസ് സംബന് ധിച്ചു.
