നെറ്റ് പരിശീലനം : അപേക്ഷ ക്ഷണിച്ചു

നെറ്റ് പരിശീലനം : അപേക്ഷ ക്ഷണിച്ചു
സംസ്ഥാന ന്യൂനപക്ഷക്ഷേമ വകുപ്പ് മുഖേന സർക്കാർ/എയ്ഡഡ് കോളേജുകൾ/യൂണിവേഴ്‌സിറ്റികളിൽ നാലുവർഷ ബിരുദം, ബിരുദാനന്തര ബിരുദത്തിന് പഠിക്കുന്നവരോ പഠനം പൂർത്തിയായവരോ ആയ ന്യൂനപക്ഷ വിഭാഗങ്ങളിൽപ്പെട്ട വിദ്യാർഥികൾക്ക് (മുസ്ലിം, ക്രിസ്ത്യൻ, സിഖ്, ബുദ്ധ, ജൈന, പാഴ്‌സി) യുജിസി / സിഎസ്ഐആർ – നെറ്റ് പരീക്ഷാ പരിശീലനം സംഘടിപ്പിക്കുന്നതിന് താത്പര്യമുള്ള കോളജുകളിൽ നിന്നും അപേക്ഷ ക്ഷണിച്ചു.

ഒരു ബാച്ചിന് 12 ദിവസങ്ങളിലായി 72 മണിക്കൂർ പരിശീലനം നൽകുന്നതിന് 80,000 രൂപ അനുവദിക്കും. അപേക്ഷഫോമിന്റെ മാതൃക mwdscholarship.kerala.gov.in ൽ ലഭിക്കും. അപേക്ഷ സ്വീകരിക്കുന്ന അവസാന തീയതി ഒക്ടോബർ 31. വിലാസം: ഡയറക്ടർ, ന്യൂനപക്ഷ ക്ഷേമ വകുപ്പ്, നാലാംനില, വികാസ് ഭവൻ, തിരുവനന്തപുരം-33. ഫോൺ: 0471 2300524, 0471-2302090.