1 min read
കരടി ആക്രമണം; പാലക്കാട് നെല്ലിയാമ്പതിയില് ജാഗ്രതാ നിര്ദേശം
പാലക്കാട് നെല്ലിയാമ്പതിയിൽ കരടി ആക്രമണത്തെ തുടർന്ന് ജാഗ്രതാ നിര്ദേശം. രാത്രി സമയങ്ങളില് പുറത്തിറങ്ങുമ്പോള് കയ്യില് ടോര്ച്ച് കരുതണം. അത്യാവശ്യ കാര്യങ്ങള്ക്ക് ഒഴികെ രാത്രി സമയങ്ങളില് പുറത്തിറങ്ങരുത്. പൊലീസും വനം വകുപ്പും ആരോഗ്യ വകുപ്പും സംയുക്തമായാണ് നിർദ്ദേശം നൽകിയത്.
വരും ദിവസങ്ങളില് സ്കൂള് അസംബ്ലികളില് വിദ്യാര്ഥികള്ക്ക് ബോധവല്ക്കരണ ക്ലാസ്സും ജാഗ്രതാ നിര്ദ്ദേശവും നല്കും. കഴിഞ്ഞ ദിവസം കരടിയുടെ ആക്രമണത്തില് എസ്റ്റേറ്റ് തൊഴിലാളിക്ക് പരിക്കേറ്റിരുന്നു. കരടിയും കുഞ്ഞുങ്ങളും ജനവാസ മേഖലയിൽ ഉള്ളതായി സ്ഥിരീകരിച്ചിട്ടുണ്ട്.
