1 min read
താല്ക്കാലിക വിസി നിയമനം: ഹൈക്കോടതി വിധിക്കെതിരെ ഗവര്ണര് സുപ്രീംകോടതിയില്
കെടിയു-ഡിജിറ്റല് സര്വകലാശാല താല്ക്കാലിക വിസിമാരെ പുറത്താക്കിയ ഹൈക്കോടതി ഡിവിഷന് ബെഞ്ച് വിധിക്കെതിരെ ഗവര്ണര് സുപ്രീംകോടതിയില് അപ്പീല് ഫയല് ചെയ്തു. ഹൈക്കോടതി ഉത്തരവ് സ്റ്റേ ചെയ്യണമെന്നാണ് രാജേന്ദ്ര ആര്ലേക്കറിന്റെ അപ്പീലിലെ ആവശ്യം. താത്കാലിക വി സി നിയമനങ്ങള്ക്ക് യുജിസി ചട്ടം പാലിക്കണമെന്നാണ് വാദം.
താല്ക്കാലിക വിസിമാരുടെ കാലാവധി ആറ് മാസത്തില് കൂടുതലാകരുതെന്ന് ഡിവിഷന് ബഞ്ച് നിര്ദേശിച്ചിരുന്നു. വിദ്യാര്ത്ഥികളുടെ താല്പ്പര്യങ്ങളെയും പ്രതികൂലമായി ബാധിക്കുമെന്നും സ്ഥിര വിസി നിയമന കാലതാമസം സര്വകലാശാല നടപടികളെ പ്രതികൂലമായി ബാധിക്കുമെന്നും ഡിവിഷന് ബഞ്ച് ചൂണ്ടിക്കാട്ടിയിരുന്നു. സ്ഥിര വിസി നിയമനത്തില് ഇനിയൊരു കാലതാമസമുണ്ടാകരുതെന്നും ഹൈക്കോടതി ഡിവിഷന് ബഞ്ച് ഉത്തരവിട്ടു.
