രാഹുലിനെ ഇനിയും ചേര്ത്ത് പിടിക്കാന് സാധിക്കില്ല; നിലപാട് കടുപ്പിച്ച് വിഡി സതീശന്
രാഹുല് മാങ്കൂട്ടത്തില് എംഎല്എയ്ക്കെതിരെ കടുത്ത നിലപാടില് പ്രതിപക്ഷനേതാവ് വി ഡി സതീശന്. രാഹുലിനെ ഇനിയും ചേര്ത്തുപിടിക്കാന് കഴിയില്ലെന്ന നിലപാടിലാണ് വി ഡി സതീശന്. നടപടി വേണമെന്നാണ് പ്രതിപക്ഷ നേതാവിന്റെ നിലപാട്. പ്രതിസന്ധി കാലങ്ങളില് രാഹുല് മാങ്കൂട്ടത്തിലിനെ ചേര്ത്തുപിടിച്ചിരുന്നത് വിഡി സതീശനായിരുന്നു. തന്റെ സഹോദര തുല്യനാണ് രാഹുലെന്ന് പരസ്യമായി മാധ്യമങ്ങള്ക്ക് മുന്പില് വിഡി സതീശന് പറഞ്ഞിരുന്നത്.
അതേസമയം അശ്ലീല സന്ദേശ വിവാദത്തിന് പിന്നാലെ യൂത്ത് കോണ്ഗ്രസ് അധ്യക്ഷ സ്ഥാനം രാഹുല് മാങ്കൂട്ടത്തില് രാജി വെക്കും. രാജിവെക്കാന് രാഹുലിനോട് ഹൈക്കമാന്റ് നിര്ദ്ദേശം നല്കി. ആരോപണങ്ങളില് കോണ്ഗ്രസ് നേതൃത്വം വെട്ടിലായതിന് പിന്നാലെയാണ് യൂത്ത് കോണ്ഗ്രസ് അധ്യക്ഷ സ്ഥാനം രാജിവയ്ക്കാന് നിര്ദേശം നല്കിയത്.
അശ്ലീല സന്ദേശ വിവാദത്തില് എഐസിസി ഇടപെട്ടിരുന്നു. പരാതികള് അന്വേഷിക്കാന് കെ.പി.സി.സി ക്ക് നിര്ദേശം നല്കിയിരുന്നു. ഹൈക്കമാന്ഡിന് ലഭിച്ച ചില പരാതികള് കെ.പി.സി.സിക്ക് കൈമാറിയതായും സൂചനയുണ്ട്. പുനഃസംഘടനയ്ക്ക് ഒപ്പം തന്നെ യൂത്ത് കോണ്ഗ്രസിന്റെ പുതിയ അധ്യക്ഷനെ പ്രഖ്യാപിക്കാനുള്ള നീക്കം കൂടിയാണ് നിലവില് നടത്തുന്നത്. എന്നാല്, എംഎല്എ സ്ഥാനത്ത് തുടരും. അടുത്ത തിരഞ്ഞെടുപ്പില് സീറ്റ് നിഷേധിക്കാനും ആലോചനയുണ്ട്.
