ഗൾഫ് വാർത്തകൾ

ദുബായ്: ഇത്തിഹാദ് റെയിൽപ്പാലം സ്ഥാപിക്കുന്നതിനാൽ അൽ യലായിസ് റോഡിൽനിന്ന് അബുദാബി, ദുബായ് എന്നിവിടങ്ങളിലേക്കുള്ള ഗതാഗതത്തിൽ തടസ്സമുണ്ടായേക്കുമെന്ന് റോഡ്സ് ആൻഡ് ട്രാൻസ്പോർട്ട് അതോറിറ്റി (ആർ.ടി.എ.) അധികൃതർ മുന്നറിയിപ്പ് നൽകി. തിങ്കളാഴ്ച അർധരാത്രി 12 മണിവരെയാണ് ഗതാഗതതടസ്സം പ്രതീക്ഷിക്കുന്നത്. ലക്ഷ്യസ്ഥാനങ്ങളിൽ കൃത്യസമയങ്ങളിൽ എത്തിച്ചേരാൻ ദിശാസൂചനകൾ പാലിച്ചുകൊണ്ട് ബദൽറോഡുകൾ ഉപയോഗിക്കണമെന്ന് അധികൃതർ നിർദേശിച്ചു. വിവിധ എമിറേറ്റുകളിലായി ഇത്തിഹാദ് റെയിലിന്റെ നിർമാണ പ്രവർത്തനങ്ങൾ അതിവേഗം പുരോഗമിക്കുകയാണ്. ദേശീയ റെയിൽ ശൃംഖലയിലൂടെ വാണിജ്യ, ചരക്ക് സേവനങ്ങൾ പ്രവർത്തനക്ഷമമായിട്ടുമുണ്ട്.

നബിദിനത്തോടനുബന്ധിച്ച് യുഎഇയില്‍ സ്വകാര്യ മേഖലയ്ക്ക് ഔദ്യോഗിക പൊതു അവധി പ്രഖ്യാപിച്ചു. സ്വകാര്യ മേഖലയിലെ ജീവനക്കാര്‍ക്ക് 2023 സെപ്റ്റംബര്‍ 29 വെള്ളിയാഴ്ച ശമ്പളത്തോടുകൂടിയ അവധി ലഭിക്കും. അതിനാല്‍ പൊതുമേഖലയിലേതിന് സമാനമായി സ്വകാര്യ മേഖല ജീവനക്കാര്‍ക്കും മൂന്ന് ദിവസത്തെ വാരാന്ത്യം ആസ്വദിക്കാം. അതേസമയം ഡിസംബര്‍ 2, 3 തീയതികളില്‍ ദേശീയ ദിന അവധികള്‍ വരുന്നതിനാല്‍ വര്‍ഷത്തിലെ അവസാനത്തെ നീണ്ട വാരാന്ത്യമായിരിക്കും അത്. 2023-ല്‍ താമസക്കാര്‍ ഒന്നിലധികം നീണ്ട വാരാന്ത്യങ്ങള്‍ ആസ്വദിച്ചു, ഇസ്ലാമിക അവധി ദിനമായ ഈദ് അല്‍ അദയുടെ ആറ് ദിവസത്തെ […]