1 min read
സംസ്ഥാന ബജറ്റ് ; സംസ്ഥാനത്ത് റാപ്പിഡ് റെയിൽ പദ്ധതി വരുന്നു
തിരുവനന്തപുരം മുതല് കാസര്കോട് വരെ നടപ്പാക്കാന് ഉദ്ദേശിക്കുന്ന നിര്ദിഷ്ട റാപ്പിഡ് റെയിലിന്റെ നിര്മ്മാണം നാലുഘട്ടമായെന്ന് ധനമന്ത്രി കെ എന് ബാലഗോപാല്. ആദ്യ ഘട്ടത്തില് തിരുവനന്തപുരം മുതല് തൃശൂര് വരെ നിര്മ്മിക്കും. തൃശൂര്- കോഴിക്കോട് ആണ് രണ്ടാം ഘട്ടത്തില്. മൂന്നാം ഘട്ടമായി കോഴിക്കോട് മുതല് കണ്ണൂര് വരെ പാളം ഇടും. നാലാം ഘട്ടത്തില് ഇത് കാസര്കോട് വരെ നീട്ടുമെന്നും ധനമന്ത്രി പറഞ്ഞു. പ്രാരംഭ പ്രവര്ത്തനങ്ങള്ക്കായി നൂറ് കോടി രൂപ വകയിരുത്തിയതായും ധനമന്ത്രി ബജറ്റ് പ്രസംഗത്തില് പറഞ്ഞു.
