സംസ്ഥാനത്ത് സ്വർണവിലയിൽ നേരിയ ഇടിവ് ; പവന് 80 രൂപ കുറഞ്ഞു
സംസ്ഥാനത്ത് അഞ്ചു ദിവസത്തിനിടെ 1240 രൂപ വര്ധിച്ച് കുതിച്ച സ്വര്ണവിലയില് ഇന്ന് നേരിയ ഇടിവ്. പവന് 80 രൂപ കുറഞ്ഞ് ഒരു പവന് സ്വര്ണത്തിന്റെ വില 73,160 രൂപയായി.ഗ്രാമിന് ആനുപാതികമായി 10 രൂപയാണ് കുറഞ്ഞത്. 9145 രൂപയാണ് ഒരു ഗ്രാം സ്വര്ണത്തിന്റെ വില.
കഴിഞ്ഞ കുറെ ദിവസങ്ങളിലായി ഏറിയുംകുറഞ്ഞും നില്ക്കുകയായിരുന്ന സ്വര്ണവില വെള്ളിയാഴ്ച മുതലാണ് വീണ്ടും കുതിച്ചുയരാന് തുടങ്ങിയത്. കഴിഞ്ഞ അഞ്ചു ദിവസത്തിനിടെ 1240 രൂപ വര്ധിച്ച ശേഷമാണ് ഇന്നത്തെ ഇടിവ്. ഈ മാസത്തിന്റെ തുടക്കത്തില് 72,160 രൂപയായിരുന്നു ഒരു പവന് സ്വര്ണത്തിന്റെ വില.
ജൂണ് 13ന് ഏപ്രില് 22ലെ റെക്കോര്ഡ് സ്വര്ണവില ഭേദിച്ചിരുന്നു. ഏപ്രില് 22ന് രേഖപ്പെടുത്തിയ 74,320 രൂപ എന്ന റെക്കോര്ഡ് ആണ് തിരുത്തിയത്. തൊട്ടടുത്ത ദിവസവും വില വര്ധിച്ച് സ്വര്ണവില പുതിയ ഉയരം കുറിക്കുന്നതാണ് കണ്ടത്. എന്നാല് പിന്നീട് വില താഴുകയായിരുന്നു.
