കേരള സംസ്ഥാന സ്കൂള് ശാസ്ത്രോത്സവം നവംബര് 15 മുതല് 18 വരെ ആലപ്പുഴയില് നടക്കുമെന്ന് സംഘാടക സമിതി ചെയര്മാന് കൂടിയായ ഫിഷറീസ് സാംസ്കാരിക വകുപ്പ് മന്ത്രി സജി ചെറിയാന് അറിയിച്ചു.
മുഖ്യമന്ത്രി പിണറായി വിജയന് നവംബര് 15ന് വൈകിട്ട് നാല് മണിക്ക് സെന്റ് ജോസഫ്സ് സ്കൂളില് ശാസ്ത്രോത്സവം ഉദ്ഘാടനം ചെയ്യും
മന്ത്രിമാരായ വി ശിവന്കുട്ടി, കെ എന് ബാലഗോപാല്, സംഘാടക സമിതി ചെയര്മാന് കൂടിയായ മന്ത്രി സജി ചെറിയാന്, പി പ്രസാദ് തുടങ്ങിയവര് പങ്കെടുക്കും.
ഇത്തവണ സംസ്ഥാന സ്കൂള് ശാസ്ത്രോത്സവത്തില് ഏറ്റവും കൂടുതല് പോയിന്റ് നേടുന്ന ജില്ലയ്ക്ക് സംഘാടക സമിതിയുടെ നാമഥേയത്തില് എഡ്യുക്കേഷന് മിനിസ്റ്റേഴ്സ് ട്രോഫി ഏര്പ്പെടുത്തിയിട്ടുണ്ട്.
5,000 ത്തോളം വിദ്യാര്ത്ഥികള് 180 ഓളം ഇനങ്ങളിലായാണ് സംസ്ഥാന സ്കൂള് ശാസ്ത്രമേളയില് പങ്കെടുക്കുന്നത്.
സബ്ജില്ലകളില് നിന്ന് ഒന്നാം സ്ഥാനം നേടി റവന്യൂ ജില്ലകളില് പങ്കെടുത്ത് അവിടുന്ന് ഒന്നാം സ്ഥാനം കരസ്ഥമാക്കി എത്തുന്ന വിദ്യാര്ത്ഥികള് ആണ് സംസ്ഥാന സ്കൂള് ശാസ്ത്രോത്സവത്തില് പ്രതിഭകളായി പങ്കെടുക്കുന്നത്.
പൊതുവിദ്യാഭ്യാസ ഡയറക്ടര് കെ ജീവന്ബാബു രാവിലെ ഒമ്പതു മണിക്ക് പതാക ഉയര്ത്തുന്നതോടെ സ്കൂള് ശാസ്ത്രോത്സവത്തിന്റെ രജിസ്ട്രേഷന് നവംബര്-15 ന് പ്രധാന വേദിയായ സെന്റ് ജോസഫ്സ് സ്കൂളില് ആരംഭിക്കും.
നവംബര് 15-ന് വൈകിട്ട് നാല് മണിക്ക് പൊതുവിദ്യാഭ്യാസ, തൊഴില് വകുപ്പ് മന്ത്രി വി.ശിവന്കുട്ടിയുടെ അധ്യക്ഷതയില് മുഖ്യമന്ത്രിപിണറായി വിജയന് ഔദ്യോഗിക ഉദ്ഘാടനം നിര്വ്വഹിക്കും.
ഫിഷറീസ് സാംസ്കാരിക വകുപ്പ് മന്ത്രിയും സംഘാടക സമിതി ചെയര്മാനുമായ സജി ചെറിയാന്, കൃഷി വകുപ്പ് മന്ത്രി പി പ്രസാദ് എന്നിവര് വിശിഷ്ടാതിഥികളാകും.
