എറണാകുളം ഏരൂരിൽ സ്കൂട്ടറും ഓട്ടോറിക്ഷയും കൂട്ടിയിടിച്ച് നവവരന് ദാരുണാന്ത്യം. വൈക്കം സ്വദേശി വിഷ്ണു ഗോപാലാണ് മരിച്ചത്. ഗുരുതരമായി പരുക്കേറ്റ ഭാര്യ എറണാകുളത്തെ സ്വകാര്യ ആശുപത്രിയിൽ ചികിത്സയിലാണ്.
ഇന്നലെ രാത്രി ഏഴോടെയാണ് അപകടമുണ്ടായത്. മറ്റൊരു വാഹനത്തെ മറികടക്കുന്നതിനിടെ സ്കൂട്ടർ ഓട്ടോറിക്ഷയിൽ ഇടിക്കുകയായിരുന്നു. നാട്ടുകാർ ഉടൻ ആശുപത്രിയിലെത്തിച്ചെങ്കിലും വിഷ്ണുവിനെ രക്ഷിക്കാനായില്ല.
ഈ മാസം നാലിനായിരുന്നു ഇവരുടെ വിവാഹം നടന്നത്.