തിരുവനന്തപുരം∙ ദിവസങ്ങളായി സെക്രട്ടേറിയറ്റിനു മുന്നില് നടക്കുന്ന ആശാ വര്ക്കര്മാരുടെ സമരത്തിനു പിന്തുണ ഏറിവരുന്നതോടെ നേരിടാന് സര്ക്കാര്.
ജോലിയില് തിരികെ പ്രവേശിക്കാന് ആശാ വര്ക്കര്മാര്ക്ക് സര്ക്കാര് അടിയന്തര നിര്ദേശം നല്കി. ആശാ വര്ക്കര്മാര് തിരിച്ചെത്തിയില്ലെങ്കില് പകരം സംവിധാനം ഏര്പ്പെടുത്തുമെന്ന മുന്നറിയിപ്പാണ് സര്ക്കാര് നല്കിയിരിക്കുന്നത്.
തദ്ദേശവകുപ്പുമായി ബന്ധപ്പെട്ട് ജില്ലാ ഓഫിസര്മാര് നടപടിയെടുക്കണമെന്ന് ആരോഗ്യവകുപ്പിന്റെ സര്ക്കുലറില് പറയുന്നു. ആശാ വര്ക്കര്മാര്ക്കു പകരം ആരോഗ്യവകുപ്പിലെ സന്നദ്ധപ്രവര്ത്തകരെ ഉപയോഗിക്കണം. സമരം 15 ദിവസം പിന്നിട്ട സാഹചര്യത്തിലാണ് കടുത്ത നടപടിയുമായി സര്ക്കാര് എത്തിയിരിക്കുന്നത്.
ആരോഗ്യവകുപ്പ് നിലവില് നടത്തിവരുന്ന രോഗപ്രതിരോധ പ്രവര്ത്തനങ്ങളില് ഉള്പ്പെടെ ഒറ്റപ്പെട്ട ഇടങ്ങളില് ആശാ പ്രവര്ത്തകര് പങ്കെടുക്കുന്നില്ലെന്നും ഈ സാഹചര്യത്തില് പൊതുജനാരോഗ്യ പ്രവര്ത്തനങ്ങള് തടസപ്പെടുന്നില്ല എന്ന് ഉറപ്പുവരുത്താന് കര്ശനനിര്ദേശങ്ങള് പാലിക്കണമെന്ന് ഡയറക്ടറുടെ കത്തില് പറയുന്നു.
ആശാ പ്രവര്ത്തകര് ജോലിയില് തിരികെ പ്രവേശിച്ചില്ലെങ്കില് ബദല് സംവിധാനം ഏര്പ്പെടുത്താനുള്ള നടപടികള് തദ്ദേശ സ്ഥാപനങ്ങളുമായി ആലോചിച്ച് മെഡിക്കല് ഓഫിസര്മാര് സ്വീകരിക്കണം.
കാലതാമസം ഉണ്ടായാല് തൊട്ടടുത്ത വാര്ഡിലെ ആശാ വര്ക്കര്ക്ക് അധിക ചുമതല നല്കിയോ നിലവിലുള്ള ആരോഗ്യപ്രവര്ത്തകര് മുഖന്തരമോ ആരോഗ്യമേഖലയിലെ സന്നദ്ധപ്രവര്ത്തകര് മുഖേനയോ ജനങ്ങള്ക്കു സേവനം ഉറപ്പാക്കണം.
