കുഴൂർ: എസ്എസ്എൽസി പരീക്ഷാഫലം പുറത്തുവന്നതിന് പിന്നാലെ പത്താം ക്ലാസ് വിദ്യാർത്ഥിനിയെ വീടിനുള്ളിൽ മരിച്ച നിലയിൽ കണ്ടെത്തി. കുണ്ടൂർ ചേനപ്പാറക്കുന്നുമ്മേൽ വിനീഷിന്റെ മകൾ വിസ്മയ (16) ആണ് മരിച്ചത്.
വീടിനകത്തെ ജനൽ കമ്പിയിൽ തോർത്ത് ഉപയോഗിച്ച് തൂങ്ങിയ നിലയിലായിരുന്നു മൃതദേഹം കണ്ടെത്തിയത്.
മാതാപിതാക്കൾ വിദേശത്താണ് ജോലി ചെയ്യുന്നത്; അമ്മ ശ്രീന ഇറ്റലിയിലും അച്ഛൻ വിനീഷ് ഗൾഫിലുമാണ്.
സംഭവത്തിൽ പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. പരീക്ഷാ ഫലവുമായി ബന്ധപ്പെട്ട മാനസിക വിഷമമാണോ മരണകാരണമെന്ന് പോലീസ് അന്വേഷിച്ചുവരികയാണ്.
ശ്രദ്ധിക്കുക: മാനസികമായ ബുദ്ധിമുട്ടുകൾ അനുഭവപ്പെടുമ്പോൾ സഹായത്തിനായി താഴെ പറയുന്ന ഹെൽപ്പ് ലൈൻ നമ്പറുകളിൽ ബന്ധപ്പെടാവുന്നതാണ്.
ദിശ (DISHA): 1056
മൈത്രി (Maithri): 0484 2540530
