ശിവഗിരി ശ്രീ നാരായണ മെഡിക്കൽ മിഷൻ ഹോസ്പിറ്റൽ ലോകാരോഗ്യ ദിനം ആചരിച്ചു
ആരോഗ്യ സംരക്ഷണത്തെ ക്കുറിച്ചു പൊതു ജനങ്ങളിൽ അവബോധം സൃഷ്ടിക്കുന്നതിന് വേണ്ടി
ശിവഗിരി ശ്രീനാരായണ മെഡിക്കൽ മിഷൻ ഹോസ്പിറ്റലും എൻ സി സി 1 കേരള ബറ്റാലിയനും സംയുക്തമായി വിവിധ പരിപാടികളോടെ ലോകാരോഗ്യ ദിനം ആചരിച്ചു .രാവിലെ 8 30ന് വർക്കല റെയിൽവേ സ്റ്റേഷനിൽ നിന്നും ആരംഭിച്ച വാക്കത്തോണിന്റെ ഫ്ലാഗ് ഓഫ് NCC 1 കേരള ബറ്റാലിയൻ കമാൻഡിങ് ഓഫീസർ കേണൽ സുനിൽ എസ് പാട്ടിൽ നിർവഹിച്ചു .എസ് എൻ ഹോസ്പിറ്റൽ സെക്രട്ടറി ശ്രീമത് ഋതംഭരാനന്ദ സ്വാമികൾ അധ്യക്ഷത വഹിച്ചു . ഡോക്ടർമാർ,എൻസിസി കേഡറ്റുകൾ , ഹോസ്പിറ്റൽ ജീവനക്കാർ , സ്കൂൾ ഓഫ് നഴ്സിംഗിലേയും,കോളേജ് ഓഫ് നേഴ്സിങ്ങിലേയും വിദ്യാർത്ഥികൾ , അധ്യാപകർ , സന്നദ്ധ സംഘടന ഭാരവാഹികൾ ,യോഗ ക്ലബ് അംഗങ്ങൾ എന്നിവർ ഉൾപ്പടെ 300 ഓളം പേർ പങ്കെടുത്തു . വാക്കത്തോൺ സമാപനത്തെ തുടർന്ന് ഹോസ്പിറ്റൽ അങ്കണത്തിൽ സംഘടിപ്പിച്ച ചടങ്ങിൽ ഹോസ്പിറ്റൽ ഡയറക്ടർ ഡോ: എസ് കെ നിഷാദ് ആരോഗ്യ സംരക്ഷണം എന്ന വിഷയത്തെക്കുറിച്ചു മുഖ്യ പ്രഭാഷണം നടത്തി.
“എന്റെ ആരോഗ്യം എൻ്റെ അവകാശം ” എന്ന സന്ദേശം ഉയർത്തി നഴ്സിങ്ങ് വിദ്യാർത്ഥികൾ ഫ്ലാഷ് മോബും കോളേജ് ഓഫ് നേഴ്സിങ്ങിലെ വിദ്യാർത്ഥികൾ സ്കിറ്റും അവതരിപ്പിച്ചു. ഡോ എം. ജയരാജ് , ഡോ: സനൽ കുമാർ , വിമൽ കുമാർ എന്നിവർ ആശംസ അറിയിച്ചു
ഹോസ്പിറ്റൽ അഡ്മിനിസ്ട്രേറ്റീവ് ഓഫീസർ എസ് ഷാജി സ്വാഗതവും നേഴ്സിങ് സൂപ്രണ്ട് ബി. ബീന നന്ദിയും പറഞ്ഞു .NCC
ഹവിൽദാർമാരായരാജേഷ് ,
സന്തോഷ് സിംഗ് , എച്ച് ആർ മാനേജർ വിപിൻ രാജ് ,പി.ആർ.ഒ മാരായ ഷിബു, ബിന്ദു എന്നിവർ വാക്കത്തോൺ പരിപാടിക്ക് നേതൃത്വം നൽകി
