തിരുവനന്തപുരം∙ തിരുവനന്തപുരം രാജ്യാന്തര വിമാനത്താവളത്തിലെ ഇന്റലിജന്റ്സ് ബ്യൂറോ (ഐബി) ഉദ്യോഗസ്ഥ ട്രെയിന് തട്ടി മരിച്ച സംഭവത്തില് ഒളിവില് കഴിയുന്ന സഹപ്രവര്ത്തകൻ സുകാന്തിനെതിരെ ബലാത്സംഗക്കേസ് റജിസ്റ്റര് ചെയ്ത് പൊലീസ്.
പീഡനത്തിന് തെളിവുകള് ലഭിച്ച സാഹചര്യത്തിലാണ് പൊലീസിന്റെ നടപടി. ഐബി ഉദ്യോഗസ്ഥയെ സഹപ്രവര്ത്തകന് ലൈംഗികചൂഷണത്തിന് ഇരയാക്കിയിരുന്നുവെന്ന് പിതാവ് പൊലീസില് പരാതിപ്പെട്ടിരുന്നു.
ഇതു സംബന്ധിച്ച് തെളിവുകളും കൈമാറിയിരുന്നു. കഴിഞ്ഞ വര്ഷം ജൂലൈയില് യുവതി ഗര്ഭചിദ്രം നടത്തിയതിന്റെ ആശുപത്രി രേഖകള് പൊലീസിനു ലഭിച്ചിരുന്നു. ഇതിനിടെ കഴിഞ്ഞ ദിവസം സുകാന്ത് മുന്കൂര് ജാമ്യഹര്ജി സമര്പ്പിച്ചിരുന്നു
