ശക്തമായ മഴയിലും കാറ്റിലും വർക്കല പാപനാശം ക്ലിഫ് കുന്നുകളുടെ മണ്ണിടിച്ചിൽ മുന്നിൽകണ്ട് സുരക്ഷ നടപടികൾ സ്വീകരിച്ചു. ഹെലിപാഡിലെ വാഹന പാർക്കിംഗ് കുന്നുകളിൽ നിന്നും ഏകദേശം 20 മീറ്റർ ദൂരപരിധി നിശ്ചയിച്ച് വാഹനങ്ങളുടെ പാർക്കിംഗ് ക്രമീകരിക്കുന്നതിനായുള്ള നടപടിക്രമങ്ങൾ സ്വീകരിച്ചു.
വർക്കല ഹെലിപാഡിലും ക്ലിഫ് കുന്നുകളിലും എത്തുന്ന വിനോദസഞ്ചാരികൾക്ക് വിശ്രമിക്കുന്നതിനായി സ്ഥാപിച്ച ഇരിപ്പിടങ്ങൾ 20 മീറ്റർ പുറകിലേക്ക് മാറ്റി സ്ഥാപിക്കുകയും ചെയ്തു.
വർക്കല താലൂക്ക് റവന്യൂ ഉദ്യോഗസ്ഥർ, നഗരസഭ ഉദ്യോഗസ്ഥർ ,ഫയർഫോഴ്സ് , ടൂറിസം പോലീസ്, എന്നിവരുടെ നേതൃത്വത്തിലാണ് മുന്നറിയിപ്പ് ബോർഡുകളും, സുരക്ഷ അതിർത്തികളും ക്രമീകരിക്കുന്നത്.
വർക്കല ഹെലിപാഡിലെ ക്ലിഫ് കുന്നുകളിൽ വിനോദസഞ്ചാരികൾക്കായി ഒരുക്കിയിരിക്കുന്ന എല്ലാവിധ സൗകര്യങ്ങളും നിശ്ചിത ദൂരപരിധിയിൽ പുറകിലേക്ക് മാറ്റി ക്രമീകരിക്കുന്നു, ക്ലിഫ് നടപ്പാതകളിലൂടെയുള്ള വാഹനഗതാഗതം ബാരിക്കേഡുകൾ നിർമ്മിച്ച് പൂർണമായും നിരോധിക്കുമെന്നും ദുരന്തനിവാരണ അതോറിറ്റി അറിയിച്ചു.
