ഡല്ഹിയില് ചെങ്കൊട്ടയ്ക്ക് സമീപം വന് സ്ഫോടനം. നിരവധി പേര്ക്ക് പരിക്കേറ്റു. നിര്ത്തിയിട്ട കാറിലാണ് സ്ഫോടനം ഉണ്ടായത്. തുടര്ന്ന് സമീപത്തുണ്ടായിരുന്ന വാഹനങ്ങള് ഉള്പ്പടെ കത്തിനശിക്കുകയും ചെയ്തു.
സ്ഫോടനം ഉണ്ടായ ഉടനെ ആളുകള് ചിതറിയോടുന്നത് പുറത്തുവന്ന ദൃശ്യങ്ങളില് കാണാം. ഒരാള് മരിച്ചതായും റിപ്പോര്ട്ടുകളുണ്ട്. ഡല്ഹിയിലെ പ്രശസ്തമായ വിനോദസഞ്ചാരകേന്ദ്രങ്ങളില് ഒന്നാണ് ചെങ്കോട്ട. ആള്ക്കൂട്ടം തിങ്ങി നിറഞ്ഞ മേഖലയിലാണ് സ്ഫോടനം ഉണ്ടായത്. സ്ഫോടനത്തിന് പിന്നാലെ സമീപത്തുനിന്നും ആളുകളെ ഒഴിപ്പിക്കുന്നു. പ്രദേശത്ത് പൊലീസ് അതീവ ജാഗ്രതാ നിര്ദേശം നല്കി.
പൊലീസും ഫയര്ഫോഴ്സ് ഉള്പ്പടെയുള്ളവര് സ്ഥലത്തെത്തിയിട്ടുണ്ട്. പൊലീസ് പ്രദേശത്ത് പരിശോധന ആരംഭിച്ചു. സംഭവത്തില് അന്വേഷണം ആരംഭിച്ചു.ജമ്മു കശ്മീർ സ്വദേശികളായ ഡോക്ടർമാരെ പൊലീസ് ഇന്ന് രാവിലെ അറസ്റ്റ് ചെയ്തിരുന്നു. ഇവരിൽ നിന്ന് ആയുധങ്ങൾ അടക്കം പിടിച്ചെടുത്തിരുന്നു. ഇതിനുപിന്നാലെയാണ് സ്ഫോടനം നടക്കുന്നത്.
