2026 ജനുവരി 15 ന്, കരസേനാ ദിനത്തോടനുബന്ധിച്ച്, കഴക്കൂട്ടം സൈനിക സ്കൂൾ പ്രിൻസിപ്പൽ കേണൽ ധീരേന്ദ്ര കുമാറിന്, അദ്ദേഹത്തിന്റെ മാതൃകാപരമായ സേവനം, നേതൃത്വം, പ്രൊഫഷണൽ മികവ് എന്നിവയെ മാനിച്ച്, കരസേനാ മേധാവിയുടെ (COAS) പുരസ്കാരം ലഭിച്ചു.
2021 ഓഗസ്റ്റ് 25 മുതൽ കേണൽ ധീരേന്ദ്ര കുമാർ കഴക്കൂട്ടം സൈനിക സ്കൂളിന്റെ പ്രിൻസിപ്പലായി സേവനമനുഷ്ഠിച്ചുവരുന്നു. മികച്ച മാർഗനിർദേശവും ചലനാത്മകമായ നേതൃത്വവും നൽകി, സ്ഥാപനത്തെ ഗണ്യമായ പുരോഗതിയിലേക്കും ബഹുമതിയിലേക്കും നയിച്ചു. അദ്ദേഹത്തിന്റെ മാർഗ്ഗനിർദ്ദേശത്തിൽ, കഴക്കൂട്ടം സൈനിക സ്കൂൾ ഒന്നിലധികം അക്കാദമിക്, ഭരണ മേഖലകളിൽ മികവ് പുലർത്തി പ്രാദേശിക, ദേശീയ തലങ്ങളിൽ അംഗീകാരം നേടി.
അദ്ദേഹത്തിന്റെ ദർശനാധിഷ്ഠിത സമീപനം, അച്ചടക്കത്തിലുള്ള ഊന്നൽ, സമഗ്ര വിദ്യാഭ്യാസത്തോടുള്ള പ്രതിബദ്ധത എന്നിവ സ്ഥാപനത്തിന്റെ മൊത്തത്തിലുള്ള വളർച്ചയ്ക്കും പ്രശസ്തിക്കും ഗണ്യമായ സംഭാവന നൽകിയിട്ടുണ്ട്.
കേണൽ ധീരേന്ദ്ര കുമാറിന് സേവനത്തിനിടയിൽ
നിരവധി അഭിമാനകരമായ പുരസ്കാരങ്ങൾ ലഭിച്ചിട്ടുണ്ട്, 2012-ൽ വൈസ് ചീഫ് ഓഫ് ആർമി സ്റ്റാഫിന്റെയും, 2017-ൽ ജനറൽ ഓഫീസർ കമാൻഡിംഗ്-ഇൻ-ചീഫിന്റെയും, 2025-ൽ എയർ ഓഫീസർ കമാൻഡിംഗ്-ഇൻ-ചീഫിന്റെയും പുരസ്കാരങ്ങൾ ലഭിച്ചിട്ടുണ്ട്.
ഇന്ത്യൻ സൈന്യത്തിന്റെ ഉയർന്ന നിലവാരം ഉയർത്തിപ്പിടിക്കുകയും, മാതൃകാപരമായ പെരുമാറ്റത്തിലൂടെയും ദീർഘവീക്ഷണമുള്ള നേതൃത്വത്തിലൂടെയും ജീവനക്കാരെയും കേഡറ്റുകളെയും ഒരുപോലെ പ്രചോദിപ്പിക്കുകയും ചെയ്യുന്ന ഒരു മേധാവി എന്ന നിലയിൽ കേണൽ ധീരേന്ദ്ര കുമാറിന്റെ സേവനത്തെ ചീഫ് ഓഫ് ആർമി സ്റ്റാഫിന്റെ പുരസ്കാരം കൂടുതൽ ശക്തിപ്പെടുത്തുന്നു.
